البنت الناعمة طبعا هذه البنت وهى نايمة في غرفتها الدبدوب والارنوب كلهم في أحضانها وإذا قامت من النوم ما تقوم إلا الساعة وحدة الظهر والي تقعدها من النوم الشغالة وطبعا تكلمها بالانجليزي يترجم لكم شنو قالت لها الخدامة .. تقول قومي ماما وقت واجد تأخير .. والناعمة أول ما تصحى من النوم تفتح الستارة والشباك علشان الغرفة تتنفس وشغلت موسيقى رومانسية علشان يكون الجو رايق وتاخذ حمام محترم وبعد ما تطلع من الحمام على المراية تحط من هالكريمات والصبغ .. لازم تحافظ على البشرة .. خلصت من المراية وتتجه الآن إلى الاستشوار وبعدين تلبس البنطلون الجينز والبلوزة .. وتنزل تاكل الفطور الي يكون عبارة عن دونت وعصير برتقال البنت الدفشة تقوم الساعة 8 الصبح وهى ما ودها تقوم وتدخل أمها عليها بالغرفة وتصرخ عليها قومي شبعتى نوم ترد الدفشة على أمها .. زين زين الحين بقعد وتقعد تأفففففففف ويطلع من فمها نار .. بالإضافة إلى أنها وهى نايمة كل دقيقة تطيح من على السرير .. وبعدين يدخل أخوها الصغير ويصرخ وجع يالله كفاية نوم .. ترد علية : اطلع من الغرفة والا ارميك من الشباك الحين .. المهم أخوها الي اكبر منها يروح لها الغرفة يرفسها وبعد تلك الرفسة العنيفة تصحى من النوم
البنت الناعمة ما تتغدا إلا الساعة 4 ولا 5 ولا تتغدى إلا على عيش ابيض مسلوق وسلطة تحافظ على رشاقتها .
البنت الدفشة تتغدا الساعة 12 بالضبط ولا تغدا إلا كبسة ولحم أو دجاج وإذا خلصت تشرب البيبسي شربة واحدة يعنى ما في مجال انها تتنفس .. وما تسمع إلا أصوات مخفية
البنت الناعمة طلعتها تكون من بعد صلاة المغرب ما تطلع العصر تحافظ على البشرة من ضوء الشمس .
البنت الدفشة تطلع الساعة 2 القايلة تروح مشى لبيت خوالها لحد ما تنقلب سمرة
البنت الناعمة تروح ستار بكس أو اي كافية وقبل لا تطلع تمر على الصالون تحط هذاك الميك أب .
البنت الدفشة تحط كحل يملا العين والروج تقول ماكله إنسان وإذا بتروح تروح السوق ولا سوق الحراج
البنت الناعمة إذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها.
البنت الدفشة ها ها ها ها .. والحارة الثانية تسمعها
البنت الناعمة إذا تحب تسمع اغانى ما تسمع عربي ما تسمع إلا ريكى مارتن طبعا لأنة حلو وممثلها المفضل توم كروز لوسامته وميل جبسون وجيم كاري لخفة دمهم .
البنت الدفشة ممثلها المفضل بو هلال وعبدالناصر درويش ومطربها المفضل خالد الملا ومزعل فرحان
البنت الناعمة لما تتفرج على التلفزيون تقعد على الكرسي وتحط رجل على رجل وتبتسم لان الابتسامة تضفى بشاشة على الوجه .
البنت الدفشة تنسدح على الأرض وتحط رأسها على المخدة وتمد رجلها وتحطها على التلفزيون وإذا تبى تغير القناة دقت التلفزيون بأصبع رجلها وغيرت القناة
البنت الناعمة إذا تبى تحلم أحلام اليقظة طلعت في حديقة بيتهم وقعدت على الكرسي الهزاز وقام الكرسي يروح ويرجع .
البنت الدفشة تروح بالحوش وتمد السجادة الي فيها خمسة وثلاثين لون احمر واسود وابيض وجابت كاسه ستة متر متروسه شاي
البنت الناعمة في نهاية هالموضوع تقولكم تشاو .. أو سي يو .. أو بباى ... اما الدفشة في نهاية الموضوع تقولكم .. حياكم الله .. تأمرون على شيء ...
موضوع: البنت الناعمة والبنت الدفشة 
الأحد 24 فبراير 2008, 3:14 pm